ფლიკს ატლეტიკოს მოედნის საფართან დაკავშირებით პრეტენზიები აქვს

ჩემპიონთა ლიგის მეოთხედფინალური ეტაპის განმეორებით მატჩში, მადრიდის ატლეტიკო ბარსელონას მიიღებს. პირველი მატჩი სიმეონეს გუნდმა 2:0 მოიგო და ახლა ამ უპირატესობის შენარჩუნებას ეცდება.

'მეტროპოლიტანოზე' ჩატარებულ უკანასკნელ ვარჯიშზე, ბარსელონას მწვრთნელმა, ჰანსი ფლიკმა, უკმაყოფილება გამოთქვა მოედნის საფართან დაკავშირებით.

ვიდეოჩანაწერში ჩანს, რომ ფლიკი „მეტროპოლიტანოზე“ ბალახისკენ მიუთითებს. აშკარაა, რომ გადამწყვეტი მატჩის წინ, ბარსელონა მოედნის მდგომარეობით უკმაყოფილოა.

AS-ის ცნობით, „ბლაუგრანას“ ოფიციალურმა პირებმა მოგვიანებით განმარტეს, რომ ოფიციალური საჩივარი არ შეტანილა, თუმცა კლუბმა დაადასტურა, რომ ფლიკმა უეფას ოფიციალურ პირებთან შენიშვნები წარადგინა, რომლებმაც შემდგომში მოედნის შემოწმების რუტინული პროტოკოლები დაიცვეს.