ფლიკი დანებებას არ აპირებს, გერმანელმა პსჟ-სა და რეალთან მარცხებზე ისაუბრა

ჰანსი ფლიკმა კიდევ ერთხელ დაადასტურა, რომ ბარსელონა ლა ლიგისა და ჩემპიონთა ლიგის მოსაგებად ბრძოლას განაგრძობს, მიუხედავად პარი სენ-ჟერმენსა და მადრიდის რეალთან განცდილი მარცხებისა. კატალონიელთა მთავარმა მწვრთნელმა ფეხბურთელების მიმართ ნდობა გამოხატა და ასტონ ვილასთან მატჩის წინ აღნიშნა, რომ მთელი ყურადღება ამ შეხვედრაზე აქვს გადატანილი.

გერმანელმა სპეციალისტმა ასტონ ვილა ევროპის ერთ-ერთ საუკეთესო გუნდად დაასახელა და დასძინა, რომ ბირმინგემელებს ნებისმიერ მეტოქესთან შეუძლიათ ბოლომდე ბრძოლა. ამასთან, გერმანელი მიიჩნევს, რომ პარი სენ-ჟერმენთან და რეალთან, ბარსელონას უკეთ თამაში შეეძლო.

მწვრთნელის თქმით, ამ ორი მარცხის მიუხედავად, გუნდის მიზნები უცვლელია - ლა ლიგისა და ჩემპიონთა ლიგის მოგება. მას სჯერა, რომ ბარსელონას ამისთვის საჭირო სათამაშო ხარისხი და საკმარისი რესურსი აქვს. დაცვაში არსებული ტრავმების გამო, ფლიკს ოთხი ფეხბურთელი აკლია. პოზიტიური სიახლე კი, ფრენკი დე იონგის დაბრუნებაა. ფლიკი იმასაც იმედოვნებს, რომ სანაკრებო პაუზის შემდეგ, გუნდს ხავი ესპარტიც დაუბრუნდება.