ფერან ტორესმა ბარსელონასთან ერთად არ ივარჯიშა | ესპანელი პსჟ-ს უახლოვდება
2026 წლის მსოფლიო ჩემპიონატზე, ესპანეთის ნაკრების გმირი, ფერან ტორესი, ოთხშაბათს ბარსელონას ვარჯიშზე უნდა დაბრუნებულიყო, მაგრამ 26 წლის ფეხბურთელი, საკუთარ თანაგუნდელებთან ერთად, არ გამოცხადდა. ამის მიზეზი კი ისაა, რომ ტორესი პარი სენ-ჟერმენში გადასვლასთან ახლოსაა.
ტორესს, ბარსელონასთან კონტრაქტის ამოწურვამდე, მხოლოდ ერთი წელი დარჩა. კლუბიდან მისი შესაძლო წასვლის შესახებ გაკეთებულმა განცხადებებმა, კატალონიური კლუბის გულშემატკივრები გააღიზიანა. ესპანეთის მსოფლიო ჩემპიონატის მოგების შემდეგ, ტორესმა, ახალ გუნდში გადასვლის შესაძლებლობაზე, ირიბად ისაუბრა.
ბარსელონასთან კონტრაქტი მაკავშირებს, მაგრამ ფეხბურთში არასდროს იცი, რა მოხდება. ყოველთვის კარგია, როდესაც შენით ასეთი გუნდი (პსჟ) ინტერესდება. ფეხბურთში ყველაფერი ერთ წუთში შეიძლება, რომ შეიცვალოს - ამიტომ, ყველაფრისთვის მზად უნდა იყო. - აღნიშნა ფერანმა ერთ-ერთ ინტერვიუში
🚨 Paris Saint-Germain close to agreement with Barcelona for Ferran Torres. Talks ongoing as small price gap but deal expected to be finalised this week. All parties decided 26yo should not resume #FCBarcelona training as #PSG transfer nears @TheAthleticFC https://t.co/J4VWMle6eJ
— David Ornstein (@David_Ornstein) August 12, 2026
პსჟ-სთვის, ტორესის ტრანსფერი მნიშვნელოვანი დანამატი იქნება, რადგან გუნდმა, შეიძლება, ბრედლი ბარკოლა დაკარგოს. ტორესი ბარსელონაში 2022 წლიდან თამაშობს. მანამდე, ესპანელი ფეხბურთელი, ორი სეზონის განმავლობაში, მანჩესტერ სიტის ღირსებას იცავდა. 26 წლის ფეხბურთელს, ეროვნული ნაკრების მაისურით, 65 ჩატარებულ მატჩში, 25 გოლი აქვს გატანილი.
სხვა სტატიები
.32.webp)
