ფაბიო კანავარო: "რონალდუმ მითხრა, რომ ფეხბურთის კიდევ რამდენიმე წელი ითამაშებს"

ჰიუსტონში, მსოფლიო ჩემპიონატის, K ჯგუფის, მეორე ტურში, პორტუგალიამ უზბეკეთი დიდი ანგარიშით, 5:0 დაამარცხა და პლეი-ოფის საგზური მოიპოვა. პორტუგალიამ შეხვედრა აქტიურად დაიწყო. ანგარიში მატჩის მე-6 წუთზე, კრიშტიანუ რონალდუმ გახსნა. ამ გოლიდან მალევე კი, შეხვედრის მე-17 წუთზე, ნუნუ მენდეშმა, საჯარიმო დარტმით, საკუთარი ნაკრების უპირატესობა ორ ბურთამდე გაზარდა.

პირველი ტაიმის საბოლოო ანგარიში კი კრიშტიანუ რონალდუმ დააფიქსირა, როდესაც ბრუნო ფერნანდეშის გადაცემის შემდეგ, დუბლი შეასრულა.

მეორე ტაიმში სათამაშო ტემპი შედარებით დავარდა. მაგრამ ამას, პორტუგალიელთათვის, გოლების გატანაში ხელი არ შეუშლია. 60-ე წუთზე, ბრუნო ფერნანდეშის მოწოდებული კუთხურის შემდეგ, აზიელთა საჯარიმოში არეულობა შეიქმნა, რაც, საბოლოოდ უზბეკთა მეკარის, აბდუვოჰიდ ნემათოვის ავტოგოლით დასრულდა. შეხვედრაში წერტილი, კი მატჩის მიწურულს, შეცვლაზე შემოსულმა რაფა ლეაომ დასვა.

მატჩის დასრულების შემდეგ, უზბეკეთის ნაკრების მთავარმა მწვრთნელმა, ლეგენდარულმა იტალიელმა ფეხბურთელმა და ოქროს ბურთის მფლობელმა - ფაბიო კანავარომ, ჟურნალისტებთან ისაუბრა და კრიშტიანუ რონალდუსთან საუბარის საიდუმლოებები გაამხილა.

შეგახსენებთ, რომ პორტუგალია, ამ გამარჯვებით, ჯგუფიდან გავიდა. ჯგუფური ეტაპის ბოლო შეხვედრას კი 28 ივნისს, კოლუმბიის წინააღმდეგ ჩაატარებს.