ესპანეთის პრობლემები გრძელდება - მათ რეალის მცველიც გამოაკლდათ

საქართველოს ეროვნული ნაკრებმა 2026 წლის მსოფლიოს ჩემპიონატის საკვალიფიკაციო ეტაპის მატჩებისთვის მზადება 6 ოქტომბრიდან დაიწყო. ჩვენი ნაკრები 11 ოქტომბერს ესპანეთს ესტუმრება, ხოლო 14-ში თურქეთში გაემგზავრება.

უკვე დადასტურდა, რომ ესპანეთის ნაკრებს რამდენიმე ლიდერი - ლამინე იამალი, როდრი, ნიკო უილიამსი და ფაბიან რუისი გამოაკლდათ.

რამდენიმე საათის წინ კი გავრცელდა ინფორმაცია, რომ მადრიდის რეალისა და ესპანეთის ნაკრების მცველმა - დინ ჰაუსენმა ტრავმა მიიღო, რის გამოც მას ესპანეთის ნაკრების შეკრების დატოვება მოუწია და მადრიდში დაბრუნდა. გავრცელებული ინფორმაციის თანახმად, დინ ჰიუსენი კუნთების დაღლილობას განიცდის და ესპანეთის ნაკრებში მომდევნო ორ თამაშში ვერ ითამაშებს.

შეგახსენებთ, რომ ესპანეთისა და საქართველოს მატჩი 11 ოქტომბერს, 22:45 საათზე გაიმართება.