"ეს ორი მოთამაშე მხოლოდ რეალში შეძლებს თამაშს" - ხავიერ ტებასი
ლა ლიგის პრეზიდენტმა ხავიერ ტებასმა განაცხადა, რომ მბაპესა და ჰოლანდს მხოლოდ რეალში შუძლიათ თამაში.
ესპანურ სატელევიზიო გადაცემა "El Chiringuito-ში" სტუმრობისას ტებასმა აღნიშნა, მიუხედავად იმისა, რომ მას ძალიან სურს ლა ლიგაში სუპერვარსკვავებმა ითამაშონ, ამის შესაძლებლობა მხოლოდ "რეალს" აქვს.
ერლინგ ჰოლანდს კონტრაქტში საინტერესო პუნქტი აქვს, რომლის მიხედვითაც მას პრემიერ ლიგის კლუბში გადასვლა არ შეუძლია. დაახლოებით მსგავსი შემთხვევაა კილიან მბაპესთანაც. მიუხედავად ამისა, ლა ლიგის პრეზიდენტი შეუძლებლად მიიჩნევს, რომ რომელიმე მათგანმა ესპანეთში ითამაშოს.
"ეს ორი მოთამაშე მხოლოდ "რეალში" შეძლებს თამაშს, რადგან "ბარსელონას" ეკონომიკური მდგომარეობა არ მისცემს იმის საშუალებას, რომ ასეთი ტიპის მოთამაშეები დაიმატონ. ვერც ახლა და ვერც სეზონში შეძლებენ. ეს შეუძლებელი მგონია." - განაცხადა ტებასმა
სხვა სტატიები
