ერვე რენარი საფრანგეთის ქალთა ნაკრების მთავარ მწვრთნელად დაინიშნა
საუდის არაბეთის ნაკრების ყოფილი მწვრთნელი, ერვე რენარი, საფრანგეთის ქალთა ნაკრების მთავარი მწვრთნელი გახდა.
54 წლის ფრანგმა სპეციალისტმა საუდის არაბეთის ნაკრები 28 მარტს დატოვა. მისი ხელმძღვანელობით არაბეთმა 2022 წლის მსოფლიო ჩემპიონატზე მომავალი გამარჯვებული, არგენტინის ეროვნული ნაკრები დაამარცხა.
რენარი კარიერის განმავლობაში, საუდის არაბეთის გარდა, ზამბიის (ორჯერ), ანგოლის, კოტ-დ'ივუარისა და მაროკოს ნაკრებების მთავარი მწვრთნელის პოსტზე მუშაობდა.
საფრანგეთის ქალთა ნაკრები ფიფას რეიტინგში მე-5 ადგილს იკავებს. ,,ლურჯები'' 2023 წლის მსოფლიო ჩემპიონატზე F ჯგუფში, ბრაზილიასთან, იამაიკასთან და პანამასთან ერთად იასპარეზებენ.
🚨🇫🇷 𝐎𝐅𝐅𝐈𝐂𝐈𝐀𝐋 | Hervé Renard is the new manager of the France Women's Team until August 2024!
— EuroFoot (@eurofootcom) March 30, 2023
This comes just days after his official resignation from the Saudi Arabia national team. pic.twitter.com/9t4toIK9Z4
