ელ ქააბიმ ევროტურნირების რეკორდი დაამყარა

კონფერენს ლიგის ფინალში ,,ოლიმპიაკოსმა'' ,,ფიორენტინა'' დამატებით დროში დაამარცხა.

მატჩის ერთადერთი გოლი ბერძნული გუნდის თავდამსხმელმა, აიუბ ელ ქააბიმ გაიტანა, რომელიც 11 გოლით ტურნირის ბომბარდირიც გახდა.

მაროკოელმა 11-ვე გოლის გატანა პლეი-ოფში შეძლო, რაც ევროტურნირების ისტორიაში ყველა დროის საუკეთესო შედეგია.

30 წლის თავდამსხმელმა რადამელ ფალკაოს (10 გოლი ევროპა ლიგის 2010-2011 წლების სეზონში), კრიშტიანუ რონალდუსა (10 გოლი ჩემპიონთა ლიგის 2016-2017 წლების სეზონში) და ქარიმ ბენზემას (10 გოლი 2021-2022 წლების სეზონში) რეკორდის გაუმჯობესება შეძლო.

2023-2024 წლების სეზონში ელ ქააბიმ ,,ოლიმპიაკოსის'' მაისურით ჩატარებულ 50 შეხვედრაში 33 გოლი გაიტანა და 3 საგოლე გადაცემა მიითვალა.