ედენ აზარი პრემიერლიგის დიდების დარბაზში შეიყვანეს

ლონდონის ჩელსის ყოფილი შემტევი, ედენ აზარი პრემიერლიგის დიდების დარბაზში შეიყვანეს. ბელგიელი გახდა 24-ე ფეხბურთელი (26-ე წევრი, მათ შორის 2 მწვრთნელია- ფერგიუსონი და ვენგერი), ვისაც წილად ასეთი პატივი ხვდა.

აზარის ერთადერთი პრემიერლიგური გუნდი ჩელსი იყო, სადაც 2012-2019 წლებში თამაშობდა. ბელგიელმა ინგლისის ჩემპიონატში ლონდონური კლუბის მაისურით ჩატარებულ 245 შეხვედრაში 85 გოლი გაიტანა და 57 საგოლე გადაცემა მიითვალა.

ედენმა პრემიერლიგის მოგება 2-ჯერ შეძლო, წლის საუკეთესო ფეხბურთელად კი ერთხელ დასახელდა.

• პრემიერლიგის დიდების დაბრაზის პირველი წევრები ალან შირერი, ტიერი ანრი, ერიკ კანტონა, როი კინი, ფრენკ ლამპარდი, დენის ბერკამპი, სტივენ ჯერარდი და დევიდ ბექჰემი იყვნენ.

• კომპანის შემდეგ, აზარი გახდა მე-2 ბელგიელი, რომელიც პრემიერლიგის დიდების დარბაზში შეიყვანეს.