დორტმუნდი ჩერნიჰივის სტადიონს აღადგენს

უკრაინული მედია საშუალებების მიერ გავრცელებული ინფორმაციით, რუსული საოკუპაციო ძალების მიერ განადგურებულ ჩერნიჰივის სტადიონს დორტმუნდის "ბორუსია" და გერმანიის ხელისუფლება აღადგენს. უკრაინის კულტურის მინისტრის - ალექსანდ ტკაჩენკოს განცხადებით, მხარეთა შორის შეთანხმება მიღწეულია, რის შედეგადაც განადგურებული სტადიონის აღდგენაზე გერმანული მხარე იზრუნებს. ჩრდილოეთ უკრაინის ისტორიულ ქალაქ ჩერნიჰივში მდებარე სტადიონი 12,060 გულშემატკივარს იტევდა, თუმცა რუსეთის ბარბაროსული ქმედებების შედეგად, პრაქტიკულად სრულად განადგურდა.

#Germany and Borussia Dortmund are ready to rebuild the stadium in #Chernihiv destroyed by Russian occupation forces@BVB danke🐝 pic.twitter.com/WRgGBC7NkB — Ukraine Alert🇺🇦 (@alert_ukraine) April 14, 2022