დირკ კუიტი: "ვფიქრობ, დიდებული იქნება, თუ ჯერარდი ლივერპულს ჩაიბარებს"
3 წლის წინ
ფეხბურთი
2 წთ
"ვგრძნობ, რომ მისი ლიდერის თვისებები სამწვრთნელო კარიერაში მას ძალიან შორს წაიყვანს. მიმაჩნია, რომ დიდებული იქნებოდა, თუ სტივენი "ლივერპულს" სათავეში ჩაუდგებოდა. ის სულით ხორცამდე ლივერპულელია და მთელი მოთამაშის კარიერა "ენ ფილდზე" აქვს გატარებული". "მასთან ყოველთვის კარგი ურთიერთობა მქონდა. ხანდახან ერთმანეთს ახლაც ვნახულობთ". "მსურს, რომ ახლო მომავალში მწვრთნელი გავხდე და ვარიანტებსაც განვიხილავ, მაგრამ გამონაკლისის სახით უარს არც სტივენის ასისტენტობაზე ვიტყოდი. ძალიან მომეწონებოდა, თუ ის გადაწყვეტდა, რომ მე მისი დამხმარე უნდა ვიყო. საერთო ჯამში, ჩემს თავს მთავარი მწვრთნელის როლში ვხედავ, მაგრამ როგორც უკვე აღვნიშნე, გამონაკლისი ყოველთვის არსებობს". " წარმომიდგენია, თუ რა ამაღელვებელი და ლამაზი მომენტი იქნება, როცა ჯერარდი "ლივერპულის" მთავარი მწვრთნელი გახდება". "ლივერპულში ის საოცარ სამუშაოს გასწევდა, ისევე, როგორც "რეინჯერსში". ის ყველაფერს ზედმიწევნით კარგად გააკეთებდა".