საქართველოს ვიცე-ჩემპიონმა, "დინამო თბილისმა" საქართველოს ნაკრების ცენტრალური მცველი, ჯიმი ტაბიძე დაიმატა.
ინფორმაცია საქართველოს ყველაზე ტიტულოვანი კლუბის ოფიციალურმა გვერდმა გაავრცელა.
26 წლის ქართველი ფეხბურთელი, რომელსაც მარცხენა ფლანგზე თამაშიც შეუძლია, "დინამო თბილისის" შემადგენლობაში 13-ნომრიანი მაისურით ითამაშებს. კონტრაქტის დამატებითი დეტალები ჯერჯერობით უცნობია.
2022 წლის 30 მაისს ტაბიძემ რუსული "უფა" დატოვა და ბელგიურ "კორტრაიკს" შეუერთდა, თუმცა ამ გუნდის შემადგენლობაში ოფიციალური შეხვედრა არ ჩაუტარებია და სამშობლოში დაბრუნდა.
უეფას კონფერენს ლიგის პირველ საკვალიფიკაციო ეტაპზე, საწყის შეხვედრაში, საქართველოს 18-გზის ჩემპიონმა ესტონური "პაიდეს" წინააღმდეგ - 2:3 წააგო. საპასუხო შეხვედრა 14 ივლისს, ესტონეთში გაიმართება.