დიეგო სიმეონე: "წარმომიდგენია, რომ ერთ დღეს ინტერის მწვრთნელი ვიქნები"

ატლეტიკო მადრიდის მწვრთნელმა, დიეგო სიმეონემ, რომელიც ამჟამად მე-14 სეზონს ატარებს ატლეტიკოში, ჩემპიონთა ლიგაზე „ნერაძურისთან“ გასამართი შეხვედრის წინ კომენტარი გააკეთა - მან ძველი კავშირები გაიხსენა და ახალი კითხვები გააჩინა იმის შესახებ, თუ რას აპირებს ესპანეთში წარმატებული მწვრთნელობის შემდეგ.

დიეგო სიმეონეს არასდროს დაუმალავს საკუთარი განსაკუთრებული დამოკიდებულება "ნერაძურისადმი". როგორც ფეხბურთელმა, მან 2 სეზონი (1997-1999) გაატარა ინტერის რიგებში.

არგენტინელი მწვრთნელი ატლეტიკოს 2011 წლიდან უდგას სათავეში და მან ამ გუნდში განსაკუთრებული ეპოქა შექმნა.