დიდიე დეშამი: "დემბელეს ოქროს ბურთის მოგება, ფრანგული ფეხბურთის დიდი გამარჯვებაა"

,,ოქროს ბურთი'' საფრანგეთის ეროვნული ნაკრებისა და პარი სენ ჟერმენის შემტევს, უსმან დემბელეს გადაეცა. 28 წლის ფეხბურთელმა ყველაზე პრესტიჟული ინდივიდუალური ჯილდო კარიერაში პირველად მიიღო.

დემბელეს ოქროს ბურთის მოგების შემდეგ, საფრანგეთის ნაკრების მთავარმა მწვრთნელმა - დიდიე დეშამმა ისაუბრა და აღნიშნა, რომ ეს ფრანგული ფეხბურთისთვის უდიდესი წარმატებაა.

შეგახსენებთ, რომ რაიმონ კოპას, მიშელ პლატინის, ჟან-პიერ პაპენის, ზინედინ ზიდანისა და ქარიმ ბენზემას შემდეგ, უსმან დემბელე მეექვსე ფრანგი გახდა, რომელმაც ოქროს ბურთი მოიგო.

დემბელემ 2025 წელს პსჟ-სთან ერთად ჩემპიონთა ლიგა, საფრანგეთის ლიგა 1, თასი, სუპერთასი, ევროპის სუპერთასი მოიგო და მსოფლიოს საკლუბო ჩემპიონატის ფინალშიც ითამაშა. უსმანმა გასულ სეზონში პარიზული კლუბის მაისურით ჩატარებულ 53 მატჩში 35 გოლი გაიტანა და 16 საგოლე გადაცემა მიითვალა.