დე პაული: "თამაშამდე მომხდარმა ინციდენტმა გაგვაბრაზა, ეს იყო გამარჯვების ერთ-ერთი მიზეზი..."

ბრაზილიასა და არგენტინას შორის გამართული მატჩი სკანდალურად დაიწყო. მსოფლიო ჩემპიონატის საკვალიფიკაციო ეტაპზე არგენტინა 5 ქულით წინ იყო პრინციპულ მეტოქეზე და ჯგუფში პირველ ადგილს იკავებდა, ამიტომ ბრაზილიელებისთვის ეს შეხვედრა კიდევ უფრო მეტ მნიშვნელობას ატარებდა. მარაკანაზე დაძაბულობა ბრაზილიის ჰიმნის შესრულების დროს დაიწყო და ორივე გუნდის გულშემატკივრების ჩხუბით გაგრძელდა. თამაში 30 წუთით გადაიდო, რადგან საქმეში პოლიცია ჩაერია, გულშემატკივრების დასამშვიდებლად ტრიბუნებთან გუნდის ლიდერებიც მივიდნენ.

საბოლოოდ მატჩი დაიწყო და არგენტინელთა გამარჯვებით 0:1 დასრულდა. მატჩის ერთადერთი და გამარჯვების გოლის ავტორი - ნიკოლას ოტამენდი იყო.

ამ გამარჯვების შემდეგ, არგენტინის ეროვნული ნაკრების ნახევარმცველმა - როდრიგო დე პაულმა ისაუბრა.

მსოფლიოს საკვალიფიკაციო ეტაპის ჯგუფში არგენტინას 15 ქულა დაუგროვდა და პირველ ადგილზეა, ბრაზილიამ 6 შეხვედრიდან უკანსნელი 3 წააგო და 7 ქულით მე-6 ადგილს იკავებს.