ჩიჩარიტო: "მესი სუპერმენია, ხოლო კრიშტიანუ ბეტმენი"
ლეგენდარულმა მექსიკელმა ჩიჩარიტომ მესისა და რონალდუს შედარება სხვა მხრიდან დაგვანახა. მან ვარსკვლავები კომიქსების გმირებს შეადარა და აღნიშნა, რომ მთავარი კითხვა არა მათი საფეხბურთო უპირატესობა, არამედ თითოეული მათგანის მიერ განვლილი შთამაგონებელი გზაა.
სწორედ ამიტომ ვამბობ ყოველთვის, რომ მესი სუპერმენია, ხოლო კრიშტიანუ ბეტმენი. სუპერმენი ძალებით დაიბადა, ბეტმენი კი არა. ბეტმენი საკუთარ თავს დისციპლინითა და სიმამაციით აშენებს, რათა არაჩვეულებრივი გახდეს.
ვფიქრობ, ნამდვილი დისკუსია სწორედ ეს არის - არა ის, თუ ვინ არის უკეთესი, არამედ ის, თუ რომელი ისტორია უფრო მეტად შთაგაგონებს. ორივე აღფრთოვანებას იმსახურებს. ორივე უდიდეს მოტივაციას გვაძლევს. ის, ვინც ნიჭით დაიბადა, თუ ის, ვინც ამტკიცებს, რომ შეგიძლია საკუთარი ბედისწერა შეცვალო?
საბოლოო ჯამში, ჩვენ მესით აღფრთოვანებულები ვართ იმის გამო, რაც არის - არსება სხვა პლანეტიდან. მაგრამ, ბევრი ჩვენგანი კრიშტიანუ რონალდუს პატივს სცემს იმიტომ, რომ ის ნებისყოფის მონსტრია, რომელიც გვაიძულებს სარკეში ჩავიხედოთ და ვიგრძნოთ, რომ ნებისმიერი ბარიერის გადალახვა შეგვიძლია. - ამბობს ჩიჩარიტო
🚨Javier Hernández speaks on the comparison between Lionel Messi and Cristiano Ronaldo🦸♂️🦇: You don’t have to belittle one to recognize the greatness of the other.
— TeeJee🇵🇹 (@TeeJeeUtd) July 6, 2026
🗣: That’s why I always say Messi is Superman and Cristiano is Batman. Superman was born with powers, but Batman… pic.twitter.com/9YqXZsfNyt
კრიშტიანუ რონალდუ 2026 წლის მსოფლიო ჩემპიონატს გამოეთიშა. პორტუგალია ესპანეთთან დამატებით დროში გაშვებული გოლით დამარცხდა.
რაც შეეხება ლეოს, მას წინ ეგვიპტესთან მატჩი ელის, რომელიც დღეს 20:00 საათზე გაიმართება.
სხვა სტატიები
.32.webp)
