ჩემპიონთა ლიგის რეკორდები | ყველაზე ახალგაზრდა და ასაკოვანი გოლის ავტორები

3 დღის წინ ფეხბურთი

10 წთ

ჩემპიონთა ლიგის რეკორდების გადაწერას ფეხბურთის ქომაგებში დიდი რეზონანსი მოჰყვება ხოლმე. იყო დრო, როდესაც რაულის რეკორდი ხელშეუხებელი გვეგონა, თუმცა მესი-რონალდუს ეპოქამ ყველაფერი თავდაყირა დააყენა. მათ გარდა, ევროპის ყველაზე პრესტიჟულ საკლუბო ტურნირზე, ლევანდოვსკიმ და ბენზემამაც წარუშლელი კვალი დატოვეს... თუმცა ახლა, ასპარეზზე სხვა ფიგურები გამოჩნდნენ - ჰოლანდისა და მბაპეს რეკორდები გამაოგნებელია, მათი სტაბილური შედეგიანობა კი სტატისტიკის მოყვარულებისთვის დამატებითი ინტერესის წყარო ხდება.

ამ სტატიაში, ძირითადად, ციფრებისა და რიცხვების ენით ვისაუბრებთ. მიმოვიხილავთ ყველაზე ასაკოვან, ასევე ახალგაზრდა ფეხბურთელებსა და მთავარ გოლეადორებს, რომელთა სახელიც ჩემპიონთა ლიგის ისტორიაში მარადიულად იქნება შენახული.

ყველაზე ასაკოვანი ფეხბურთელი, რომელსაც ჩემპიონთა ლიგაზე გოლი აქვს გატანილია, პორტუგალიელი პეპეა. როდესაც 2023 წელს, "შახტარს" გოლი გაუტანა, ის 40 წლის და 290 დღის იყო. მეორე პოზიციაზე კი ბრაზილიელი დავიდ ლუისია - კი, ის დავიდ ლუისი, რომელიც ერთ დროს "პსჟ-სა" და "ჩელსიში" ასპარეზობდა, ამჟამად კი კვიპროსული "პაფოსის" ფეხბურთელი, რომელმაც სულ ახლახან, "მონაკოს" კარის აღება შეძლო. სრული სია ასეთია:

40 წლის და 290 დღის: პეპე ("პორტო") vs შახტარი, 13/12/23
38 წლის და 218 დღის: დავიდ ლუისი("პაფოსი") vs "მონაკო", 26/11/25
38 წლის და 59 დღის: ფრანჩესკო ტოტი ("რომა") vs "ცსკა", 25/11/14
37 წლის და 289 დღის: რაიან გიგზი ("მანჩესტერ იუნაიტედი") vs "ბენფიკა", 14/09/11
37 წლის და 257 დღის: სერხიო რამოსი ("სევილია") vs "ლენსი", 12/12/23
37 წლის და 86 დღის: ფილიპო ინძაგი ("მილანი") vs "რეალი", 03/11/10

გოლის ავტორი ყველაზე ახალგაზრდა ფეხბურთელები

17 წლის და 40 დღის: ანსუ ფატი ("ბარსელონა") vs "ინტერი", 10/10/2019)
17 წლის, 68 დღის: ლამინ იამალი: ("ბარსელონა") vs "მონაკო", 19/09/2024)
17 წლის, 106 დღის: დასტან სატპაევი : ("კაირატი") vs "კოპენჰაგენი", 26/112025)
17 წლის, 113 დღის: ვიქტორ დადასონი: ("კოპენჰაგენი") vs "დორტმუნდი", 21/10/2025)
17 წლის, 119 დღის: ჯორჯ ილენიხენა: ("ანტვერპენი") vs "ბარსელონა", 13/12/2023)

ვინ არის ყველაზე ასაკოვანი ფეხბურთელი ჩემპიონთა ლიგის პლეი-ოფში?

37 წლის და 148 დღის: რაიან გიგზი ("მანჩესტერ იუნაიტედი") vs "შალკე", 26/04/11, ნახევარფინალი
37 წლის და 85 დღის: ფრანჩესკო აჩერბი ("ინტერი") vs "ბარსელონა", 06/05/25, ნახევარფინალი
37 წლის და 54 დღის: ედინ ჯეკო ("ინტერი") vs "მილანი", 10/05/23, ნახევარფინალი
37 წლის და 27 დღის: ნიკოლას ოტამენდი ("ბენფიკა") vs "ბარსელონა", 11/03/25, მერვედფინალი

ვინ არის ყველაზე ასაკოვანი ფეხბურთელი, რომელმაც ჩემპიონთა ლიგის ფინალში გოლი გაიტანა?

პაოლო მალდინი 36 წლისა და 333 დღის იყო, როდესაც ჩემპიონთა ლიგის 2 რეკორდი დაამყარა: გახდა გოლის ავტორი ყველაზე ასაკოვანი ფეხბურთელი და ამასთან, ყველაზე სწრაფი გოლის ავტორიც (იგულისხმება ფინალური მატჩები). სტამბოლში გამართულ ლეგენდარულ ფინალში, "ლივერპულის" კარი იტალიელმა 51-ე წამზე დალაშქრა.

ყველაზე მეტი გოლის ავტორები ჩემპიონთა ლიგაზე

140: კრიშტიანუ რონალდუ (მანჩესტერ იუნაიტედი, რეალ მადრიდი, იუვენტუსი)
129: ლიონელ მესი (ბარსელონა, პარი სენ-ჟერმენი)
105: რობერტ ლევანდოვსკი (დორტმუნდი, ბაიერნი, ბარსელონა)
90: ქარიმ ბენზემა (ლიონი, რეალ მადრიდი)
71: რაულ გონსალესი (რეალ მადრიდი, შალკე)
64: კილიან მბაპე (მონაკო, პარი სენ-ჟერმენი, რეალ მადრიდი)
57: თომას მიულერი (ბაიერნი)
56: რუუდ ვან ნისტელროი (პსვ, მანჩესტერ იუნაიტედი, რეალ მადრიდი)
54: ერლინგ ჰოლანდი (ზალცბურგი, დორტმუნდი, მანჩესტერ სიტი)
50: ტიერი ანრი (საფრანგეთი, მონაკო, არსენალი, ბარსელონა)
48: ზლატან იბრაჰიმოვიჩი (აიაქსი, იუვენტუსი, ინტერი, ბარსელონა, მილანი, პარი სენ-ჟერმენი, მანჩესტერ იუნაიტედი)
48: ანდრეი შევჩენკო (დინამო კიევი, მილანი, ჩელსი)
48: მოჰამედ სალაჰი (ბაზელი, რომა, ლივერპული)
46: ფილიპო ინძაგი (იუვენტუსი, მილანი).