მარადონამ ნაპოლის კოპა იტალიას მოგება მიულოცა
3 წლის წინ
სხვა
1 წთ
ლეგენდარულმა არგენტინელმა ფეხბურთელმა დიეგო მარადონამ თავის ყოფილ კლუბ "ნაპოლის" Instagram-ის მეშვეობით, 6-წლიანი პაუზის შემდეგ ტიტულის მოგება მიულოცა. 17 ივნისს, ნეაპოლიტანელებმა ქვეყნის ყველაზე ტიტულოვანი კლუბი ტურინის "იუვენტუსი" იტალიის თასის ფინალში, პენალტების სერიაში - 4:2 (ძირითადი დრო - 0:0) დაამარცხეს და ამ ტიტულს ისტორიაში მეექვსედ დაეუფლნენ. "Მე ვამაყობ თქვენით. წინ "ნაპოლი!", - წერს მსოფლიოს ორგზის ჩემპიონი.
მარადონა ნეაპოლური კლუბის ფერებს 1984-91 წლებში იცავდა და ამ დროში ორჯერ სკუდეტო, ერთხელ ხსენებული თასი, იტალიის სუპერთასი და უეფას თასი მოიგო. ამჟამად 59 წლის არგენტინელი სამშობლოში მუშაობს და "გიმნაზიას" მთავარი მწვრთნელია.