მანჩესტერ იუნაიტედი ჩემპიონთა ლიგაზე ითამაშებს, ლივერპული - ევროპა ლიგაზე

პრემიერლიგის 37-ე ტურში ,,მანჩესტერ იუნაიტედმა'' ,,ჩელსის'' 4:1 მოუგო და ჩემპიონთა ლიგის საგზური ოფიციალურად გაიფორმა.

დღეს ასევე გაირკვა, რომ ევროპა ლიგაზე ითამაშებს ,,ლივერპული'', რომელიც ბოლო ტურის წინ მე-5 ადგილზეა და მეოთხეადგილოსან ,,ნიუკასლს'' 4 ქულით ჩამორჩება. ეს არის პირველი შემთხვევა 2015-2016 წლების სეზონის შემდეგ, როცა ,,მერსისაიდელები'' ჩემპიონთა ლიგაზე ვერ ითამაშებენ.

შესაბამისად, ცნობილია, რომ ინგლისს მსოფლიოს ყველაზე პრესტიჟულ საკლუბო ტურნირზე მომავალ სეზონში ,,მანჩესტერ სიტი'' (ჩემპიონი), ,,არსენალი'', ,,მანჩესტერ იუნაიტედი'' და ,,ნიუკასლი'' წარადგენენ.