ჩაკვეტაძე მიქაუტაძის გუნდში? - ქართველი ფეხბურთელი მეცს უახლოვდება
ბელგიური მედიის ინფორმაციით, საქართველოს ნაკრების შემტევი ნახევარმცველი, გიორგი ჩაკვეტაძე კარიერას საფრანგეთის ლიგა 1-ში გააგრძელებს.
კერძოდ, ბელგიელი საფეხბურთო ჟურნალისტი, საშა ტავოლიერი Twitter-ში წერს, რომ 23 წლის ქართველი ფეხბურთელის დამატებით გიორგი მიქაუტაძის ამჟამინდელი კლუბი, "მეცი" ინტერესდება.
საფრანგეთის ლიგა 1-ში 2022/23 წლების სეზონში დაწინაურებული კლუბი ბელგიური "გენტიდან" ქართველი ფეხბურთელის იჯარით დამატებას გეგმავს.
🟤🇬🇪 Giorgi #Chakvetadze devrait changer d’air ! Le #FCMetz est parvenu à trouver un accord avec le #KAAGent dans le cadre d’un prêt avec option d’achat pour le milieu offensif géorgien qui devrait signer aujourd’hui sa convention de prêt jusqu’en fin de saison avec le club de… pic.twitter.com/dwkpUdJcAf
— Sacha Tavolieri (@sachatavolieri) July 10, 2023
ირკვევა ისიც, რომ ფრანგული მხარე ბელგიური კლუბისთვის ოფიციალური შეთავაზების გაგზავნას უახლოეს პერიოდში აპირებს და კონტრაქტსაც ხელი ძალიან მალე უნდა მოეწეროს.
გიორგი ჩაკვეტაძემ 2022/23 წლების სეზონი ვლადიმირ ვაისის გაწვრთნილ სლოვაკურ ბრატისლავის "სლოვანში" გაატარა, რომელშიც ჯაბა კანკავას და გურამ კაშიას თანაგუნდელი იყო. 47 ჩატარებულ მატჩში "სლოვანის" შემადგენლობაში 1 გოლის გატანა და 9 საგოლე გადაცემის გაკეთება მოახერხა.
სხვა სტატიები
