Belive

ბუცები გაჭირვებული ქართველი ბავშვებისთვის - ვაკო გვილიას ქველმოქმედება (ვიდეო)

3 წლის წინ ფეხბურთი
1 წთ
ვარშავის "ლეგიას" ოფიციალური გვერდი სოციალურ ქსელში ემოციურ ვიდეოს აქვეყნებს, რომელშიც საქართველოს ნაკრების ნახევარმცველი, ვაკო გვილია თანაგუნდელ, პოლონელ შემტევ, ბარტოშ კაპუსტკასთან ერთად, ფინანსურად გაჭირვებული ბავშვებისთვის ბუცებს აგროვებს. როგორც ექსტრაკლასას მოქმედი გამარჯვებულის გვერდი წერს, "ვარტასთან" გამართული მატჩის შემდეგ, ქართველმა და პოლონელმა ფეხბურთელებმა ბუცები შეაგროვეს, რათა საქართველოსა და ტანზანიაში, გაჭირვებულ ბავშვებს გაუგზავნონ.  
  ვაკო გვილია, რომელსაც რამდენიმე თვე ჯერ ტრავმის, შემდეგ კი კორონავირუსის პანდემიის გამო გაუცდა, ვილი სანიოლმა მარტის სანაკრებო შეხვედრებისთვის საქართველოს ეროვნულ გუნდში არ გამოიძახა.   პოლონეთის საუკეთესო კლუბის მაისურით, რომელიც ჩემპიონატს მიმდინარე გათამაშებაშიც დამაჯერებლად ლიდერობს (21 ტურის შემდეგ, მეორეადგილოსან სჩეზინის "პოგონთან" 7-ქულიანი უპირატესობა), გვილიამ ამ სეზონში 17-ჯერ ითამაშა და 2 საგოლე გადაცემა გააკეთა.

სხვა სტატიები