"ბუდუ ზივზივაძის მდგომარეობა უმჯობესდება" - ფრანკ შმიდტი

საქართველოს ეროვნული ნაკრებისა და ჰაიდენჰაიმის ფორვარდი ბუდუ ზივზივაძე თავის გუნდს რიგით მე-7 შეხვედრაში ვერ დაეხმარება. ჰაიდენჰაიმი 17 იანვარს ვოლფბურგს ესტუმრება, მატჩამდე ფრანკ შმიდტმა პრესკონფერენცია გამართა და ბუდუ ზივზივაძის მდგომარეობასაც გაუსვა ხაზი.

შეგახსენებთ, რომ ბუდუ ზივზივაძეს ტრავმა აქვს და 22 ნოემბრის შემდეგ არ უთამაშია, ჯერჯერობით უცნობია თუ როდის დაუბრუნდება ქართველი შემტევი მოედანს.

ბუდუ ზივზივაძემ ყველა ტურნირის ეგიდით მიმდინარე სეზონის 10 მატჩში მიიღო მონაწილეობა და 1 გოლის გატანა მოახერხა.

ჰაიდენჰაიმს, სანქტ პაულსა და მაინცს ბუნდესლიგის ცხრილში თანაბარი 12-12 ქულა აქვთ და მე-16, მე-17 და მე-18 პოზიციებს იყოფენ.