ბრაზილიური მასტერკლასი - როგორ მოვექცეთ დაშავებულ ფეხბურთელს?!
ბრაზილიაში "ფლუმინენსესა" და "ბოტაფოგოს" უხვგოლიანი მატჩი გაიმართა, რომელიც მასპინძლების მარცხით, 2:4 დასრულდა.
გატანილ 6 გოლთან ერთად, გულშემატკივარმა უჩვეულო სანახაობაც იხილა, რომლის მსგავსსაც ხშირად ვერ ვნახავთ. მეორე ტაიმის მიწურულს, "ბოტაფოგოს" ფეხბურთელმა, დროის გაყვანის მიზნით, დაშავებული თანაგუნდელი მოედანზე შეათრია. "ფლუმინენსეს" ფეხბურთელებმა "ტრავმირებული" ისევ მოედნის მიღმა გაათრიეს, თუმცა, იქვე "ბოტაფოგოს" კიდევ ერთი ფეხბურთელი იყო, რომელმაც თანაგუნდელი ისევ მოედანზე დააბრუნა.
"ტრავმირებული" ფეხბურთელი 18 წლის იარლენ ფაუსტინო აუგუსტო გახლდათ, რომელიც სადებიუტო მატჩში დროის გაყვანის ხელოვნებას სრულად ეზიარა.
Brazilian 🇧🇷 soccer is wild.
— Tactical Manager (@ManagerTactical) March 3, 2024
The Botafogo player drags his “injured” teammate back into the field to try to waste time, then the Fluminense players drag him back out so the game can go on. 💀
pic.twitter.com/XbcPitrzUv
