ბრაზილიური ფეხბურთის ლეგენდა მარიო ზაგალო გარდაიცვალა

ლეგენდარული ბრაზილიელი ფეხბურთელი და მწვრთნელი - მარიო ზაგალო 92 წლის ასაკში გარდაიცვალა. ზაგალომ, როგორც მარცხენა ვინგერმა ბრაზილიის ნაკრების პირველი მსოფლიო ჩემპიონობა 1958 წელს იზეიმა, ის გუნდში იყო მაშინაც, როცა 4 წლის შემდეგ ბრაზილიამ ტიტული დაიცვა.

ზაგალო 1970 წლის ბრაზილიის ნაკრების მთავარი მწვრთნელი იყო, ამ გუნდს უამრავი ადამიანი ისტორიაში საუკეთესო საფეხბურთო გუნდად მიიჩნევს. როგორც მწვრთნელმა 1970-ში მუნდიალი პელესთან, ზაირჟინიოსთან, რიველინოსთან და იმ ფეხბურთელებთან ერთად მოიგო, რომლებიც მსოფლიო ფეხბურთის ისტორიაში ოქროს ასოებით არიან ჩაწერილი.

1994 წელს ზაგალომ მუნდიალი მწვრთნელის ასისტენტის რანგში მოიგო და გახდა ადამიანი, რომელსაც 4 მსოფლიო ჩემპიონის ტიტული აქვს.