ბექა მიქელთაძე ავსტრალიაში დეკემბრის საუკეთესო ფეხბურთელად აღიარეს

საქართველოს ნაკრების თავდამსხმელი, ბექა მიქელთაძე ავსტრალიაში თვის საუკეთესო ფეხბურთელად დაასახელეს. ამის შესახებ ინფორმაცია 24 წლის ქართველი ფეხბურთელის კლუბის, "ნიუკასლ ჯეთსის" ოფიციალურ ვებ-გვერდზე გამოქვეყნდა, სადაც გულშემატკივრებმა გამოკითხვის შედეგად, იგი დეკემბრის თვის კლუბის საუკეთესო ფეხბურთელად დაასახელეს.

"თავის პირველ ხუთ მატჩში მიქელთაძემ დაამტკიცა, რომ ამ ლიგაში ანგარიშგასაწევი ძალაა. ქართველი გუნდს სეზონისწინა პერიოდში შეუერთდა და მიწაზე მყარად დადგა. იგი ოქროს ბუცის რეიტინგში 4 ოლით ლიდერობს, ასევე მის აქტივში 1 საგოლე გადაცემა და 9 საკვანძო პასია. ბექამ ასევე წარმატებით შეასრულა თავისი პასების 86% და ასევე მოიპოვა მატჩის საუკეთესო მოთამაშის სახელი. მიქელთაძემ ხმების 29% მიიღო და დანიელ პენჰას აჯობა, რომელმაც 23%-ის მოგროვება შეძლო", - წერს ავსტრალიური კლუბის ოფიციალური ვებ-გვერდი.

Our fans have spoken and our Players of the Month for December have been decided 🙌 See their stats ➡️ https://t.co/X2U2hxPBTQ#BondedByGold pic.twitter.com/E1R0LTcm2A — NEWCASTLE JETS FC ✈️ (@NewcastleJetsFC) January 12, 2022