ბარსელონამ ჩემპიონთა ლიგის ფინალის მასპინძლობის სურვილი გამოთქვა
1 დღის წინ
ფეხბურთი
1 წთ
2029 წელს, ჩემპიონთა ლიგის ფინალს, შესაძლოა, კამპ ნოუმ უმასპინძლოს. რამდენიმე წუთის წინ, კატალონიის ბარსელონამ გაავრცელა განცხადება, რომელშიც ვკითხულობთ:
,,ბარსელონამ უეფა-ს ოფიციალურად წარუდგინა განაცხადი და სრული დოსიე 2029 წლის ჩემპიონთა ლიგის ფინალის მასპინძლობის უფლების მოსაპოვებლად.
წარდგენილი დოკუმენტაცია მოიცავს უეფა-ს მიერ მოთხოვნილ ყველა ტექნიკურ, სახელშეკრულებო და ინსტიტუციონალურ პირობას, ისევე როგორც საჭირო გარანტიებს იმის დასამტკიცებლად, რომ სფოტიფაი კამპ ნოუსა და ქალაქ ბარსელონას შესწევთ ძალა, უმასპინძლონ მსოფლიოში ერთ-ერთ ყველაზე მნიშვნელოვან სპორტულ ღონისძიებას.
ამიერიდან, უეფა დაიწყებს წარდგენილი წინადადებების შეფასებას, რათა განსაზღვროს, თუ რომელი სტადიონი შეირჩევა 2029 წლის ჩემპიონთა ლიგის ფინალის მასპინძლად.'' - წერია ბარსელონას განცხადებაში
ბარსელონას სტადიონმა ჩემპიონთა ლიგის ფინალს აქამდე სულ ორჯერ უმასპინძლა - 1989 წელს მილანმა სტიაუას 4:0 მოუგო, 1999 წელს კი მანჩესტერ იუნაიტედმა მიუნხენის ბაიერნი 2:1 დაამარცხა.
𝗙𝗖 𝗕𝗮𝗿𝗰𝗲𝗹𝗼𝗻𝗮 𝘀𝘁𝗮𝘁𝗲𝗺𝗲𝗻𝘁 https://t.co/Fxsct9dnbi
— FC Barcelona (@FCBarcelona) June 10, 2026
სხვა სტატიები
