ავიაკატასტროფაში განადგურებული შაპეკოენსე ბრაზილიის უმაღლეს ლიგაში დაბრუნდა

შაპეკოენსე ბრაზილიის სერია A-ში დაბრუნდა. გუნდმა საკუთარ მაყურებელთან ერთად, ეს უდიდესი მიღწევა, ემოციურად აღნიშნა. შაპეკოენსეს აღზევება ზუსტად ცხრა წლის შემდეგ მოხდა იმ ტრაგიკული ავიაკატასტროფიდან, რომელმაც გუნდის უმეტესობის სიცოცხლე შეიწირა.

2016 წლის ნოემბერში, ბრაზილიური გუნდი კოლუმბიაში მიემგზავრებოდა, რათა სამხრეთ ამერიკის თასის ფინალში ატლეტიკო ნასიონალთან ეთამაშა, როდესაც ტრაგედია მოხდა.

მედელინისკენ მიმავალმა თვითმფრინავმა 71 ადამიანის სიცოცხლე შეიწირა, მათ შორის 19 ფეხბურთელი, სამწვრთნელო შტაბის 14 წევრი და კლუბის ცხრა ოფიციალური პირი. მხოლოდ ექვსი ადამიანი გადარჩა, მათ შორის სამი ფეხბურთელი: ალან რუშელი, ჯექსონ ფოლმანი და ნეტო.

უზარმაზარი ტრაგედიის შემდეგ, კლუბის ნულიდან აღდგენას, გასაგები მიზეზების გამო, წლების განმავლობაში შეექმნა სირთულეები.