არსენალს ნიკო უილიამსი სურს

ლონდონის არსენალი, ესპანეთის ნაკრებისა და ბილბაოს ატლეტიკის ახალგაზრდა გარემარბის, ნიკო უილიამსის შეძენით დაინტერესდა. როგორც ბრიტანული სპორტული გამოცემა "Team Talk" - წერს, არსენალის სპორტულმა დირექტორმა, ანდრეა ბერტამ, 23 წლის ესპანელთან უშუალო მოლაპარაკებები გამართა.

"მეთოფეებს" ნიკო უილიამსის მიმართ ინტერესი განსაკუთრებით მას შემდეგ გაუჩნდათ, რაც მორგან როჯერსის ტრანსფერი არ შედგა და საბოლოოდ, 23 წლის ინგლისელი ფეხბურთელი ლონდონის ჩელსის წევრი გახდა. გარდა ამისა. პრემიერ ლიგის მოქმედი გამარჯვებულებისთვის, ბრედლი ბარკოლას საკითხიც გაურკვეველია.

არსენალის მთავარ მწვრთნელს, მიკელ არტეტას, შეტევის გაძლიერება სურს. განსაკუთრებით კი ფლანგებზე. ამ ეტაპზე, უილიამსთან დაკავშირებით, ჯერჯერობით არაფერია გარკვეული. ნიკო უილიამსმა სულ რამდენიმე დღის წინ, ესპანეთთან ერთად მსოფლიო ჩემპიონატი მოიგო. ამასთან ერთად, ფერან ტორესს, თავით, საგოლე გადაცემაც გაუკეთა. გასულ სეზონში, უილიამსს, ტრამვამ ხელი შეუშალა, სრული დატვირთვით ეთამაშა, მაგრამ ამის შემდეგ დაბრუნება და საკუთარი შესაძლებლობები კიდევ ერთხელ დაამტკიცა.