არსენალისა და სიტის მარცხის შემდეგ ნევილი თვლის, რომ მანჩესტერს ჩემპიონობის შანსი დაუბრუნდა
"წითელმა ეშმაკებმა" ბოლო შეხვედრაში "კრისტალ პალასი" 2:1 დაამარცხეს, ხოლო ტიტულის მთავარმა პრეტენდენტებმა, "არსენალმა" და "მანჩესტერ სიტიმ" თავიანთი შეხვედრები დათმეს. ამ ყველაფრის შემდეგ, ერიკ ტენ ჰაგის გუნდი "მეთოფეებს" რვა ქულით ჩამორჩება.
აღნიშნულ თემასთან დაკავშირებით გარი ნევილმა Sky Sports-ის პოდკასტზე ისაუბრა:
"არასერიოზული არ იქნება იმის თქმა, რომ მათ შეუძლიათ ტიტულის მოპოვება. არ ვამბობ, რომ მოიგებენ, მაგრამ ვამბობ, რომ ჩემპიონობა შესაძლებელია. მე "მანჩსეტერ სიტის" ადგილას ვინერვიულებდი. "იუნაიტედში" კარგი განწყობაა. ჩემპიონობის შანსი "სიტის" მეტი აქვს, თუმცა, "მანჩესტერიც" კარგ ვითარებაშია." - განაცხადა გარი ნევილმა.
“It’s not ridiculous” – Gary Neville makes Manchester United title claim after Arsenal and Man City lose https://t.co/fiDYaJ0DvR pic.twitter.com/tXi3B3VwB9
— Gunners Today (@gunners_today) February 7, 2023
როგორც ზემოთ, ვახსენე "სიტიმ" და "არსენალმა" საკუთარი შეხვედრები დათმეს და მნიშვნელოვანი ქულებიც დაკარგეს. ამ ყველაფერმა "მანჩესტერის" წისქვილზე დაასხა წყალი. ერიკ ტენ ჰაგის გუნდი 42 ქულით მე-3 პოზიციას იკავებს და 8 ქულით ჩამორჩება ლიდერ "არსენალს". "წითელ ეშმაკებს" მომავალი შეხვედრა "ლიდს იუნაიტედის" წინააღმდეგ 8 თებერვალს, 23:55 საათზე ელით.
სხვა სტატიები
