ანჩელოტი ნაკრებში კაზემიროს, ნეიმარსა და ანტონის დაეყრდნობა

კარლო ანჩელოტი მზადაა, ნეიმარს, ანტონისა და კაზემიროს დაეყრდნოს მას შემდეგ, რაც "რეალ მადრიდს" დატოვებს და ბრაზილიის ეროვნული ნაკრებს ჩაიბარებს.

სავარაუდოდ, ანჩელოტი ბრაზილიის ახალი მთავარი მწვრთნელის თანამდებობაზე ოფიციალურად 26 მაისს წარდგება. ის პირველად სელესაოს 2026 წლის მსოფლიო ჩემპიონატის საკვალიფიკაციო ეტაპისთვის, ეკვადორისა და პარაგვაის წინააღმდეგ გაწრთვნის.

65 წლის სპეციალისტი უკვე აწყობს თავის შემდეგ სამუშაოს გეგმებს. Globo Esporte-ს ცნობით, ანჩელოტი ბრაზილიის ნაკრების წამყვან წევრებთან კონტაქტზე იმყოფებოდა და სხვების დამსახურებასაც განიხილავდა.

ნეიმარმა, რომელიც ბრაზილიის ყველა დროის საუკეთესო ბომბარდირია, ანჩელოტისთან არაფორმალური ვიდეოზარით ისაუბრა, რომლის დროსაც მისი ბოლოდროინდელი ტრავმების საკითხები განიხილეს. 33 წლის ფეხბურთელი, რომელიც „სანტოსში“ დაბრუნდა, თავისი ქვეყნისთვის მნიშვნელოვან ფიგურად რჩება. იმავეს თქმა შეიძლება კაზემიროზეც, რომელიც კარლოს ერთ-ერთი საყვარელი მოთამაშეა, ანტონის სათამაშო ფორმით კი იტალიელი მოხიბლულია.