"ახალი კვარადონა?!" - ბაიერნში პარკაძეს ელიან

"ბაიერნმა" ლუკა პარკაძე გასულ წელს შეიძინა. ახალგაზრდა ფეხბურთელი კლუბს 2023 წლის ივლისში შეურთდება. 17 წლის ფეხბურთელს, ევროპის ერთ-ერთ საუკეთესო ტალანტს ადარებენ.

ხვიჩა კვარაცხელია ევროპული ფეხბურთის ერთ-ერთ უდიდეს ტალანტად ითვლება. ქართველმა შემტევმა "ნაპოლიში" სეზონი საოცრად დაიწყო და გუნდის ერთ-ერთ მთავარ ლიდერად ჩამოყალიბდა.

"ბაიერნს" "კვარადონას" თანამემამულეს მსგავსი თვისებების იმედი აქვს. ლუკა პარკაძე გერმანიის რეკორდსმენის მაისურს 2023 წლის ზაფხულიდან მოირგებს, იტყობინება Spox. 17 წლის ქართველი ფეხბურტელი თბილისის "დინამოდან" მოდის.

"პარკაძე მიუნხენში გრძელვადიან კონტრაქტს მოაწერს ხელს" - აცხადებენ კლუბში. 17 წლის ფეხბურთელი დიდ ტალანტად და შემტევად ითვლება.

„ლუკას დიდი ხანია ვიცნობთ და ჩვენი სკაუტები ადევნებდნენ თვალს. გარდა ამისა, მან დიდი შთაბეჭდილება მოახდინა საცდელ სესიაზე აქ, ბაიერნის კამპუსში“, - თქვა კამპუსის მენეჯერმა იოხენ ზაუერმა.

როგორც ინგლისური გაზეთი "Guardian"-ი წერს, პარკაძე საფეხბურთო ბაზრის 60 უდიდეს ტალანტს შორისაა მიჩნეული.

პარკაძემ ხვიჩა კვარაცხელიას მსგავსად "დინამო თბილისის" ახალგაზრდულ გუნდში გაიზარდა. გასული წლის ჩემპიონატში, პარკაძის დებიუტი სულ რაღაც 17 წლის ასაკში შედგა. თუმცა, პროფესიონალურ გუნდში რამდენიმე გამოჩენის შემდეგ, "ბაიერნიდან" ახალ კონტრაქტზე უკან დაიხია, რადგან ქართველი შემტევი კოვიდ ინფექციით დაინფიცირდა.

თუმცა "ბაიერნმა" პარკაძე სხვაგან შეამჩნია. კერძოდ მაშინ, როდესაც საქართველოს 17-წლამდელთა ნაკრები გერმანიის 17-წლამდელთა ნაკრებს დაუპირისპირდა. მიუხედავად იმისა, რომ ქართველები 3:0 დამარცხდნენ, ლუკა პარკაძემ გერმანელ სკაუტებზე დიდი გავლენა მოახდინა.

"ბაიერნი" პარკაძის მსგავს თამაშებს ზაფხულშიც ელოდება, როდესაც 17 წლის ფეხბურთელი "ბაიერნში" პირველად ითამაშებს. ჯერ კიდევ გასარკვევია, განახორციელებს თუ არა ის ნახტომს პროფესიონალურ გუნდში და განვითარდება თუ არა მისი კარიერა ხვიჩა კვარაცხელიას მსგავსად. ბაიერნში პასუხისმგებელ პირებს, რათქმა უნდა, ამის საწინააღმდეგო არაფერი ექნებათ.