6-დან ხუთი მარცხი | ვესტ ჰემმა პოტერი გაუშვა და ეშპირიტუ მოჰყავს

ვესტ ჰემ იუნაიტედმა მთავარი მწვრთნელის პოსტიდან გრემ პოტერი გაათავისუფლა. ინგლისურმა კლუბმა, სეზონის დაწყებიდან, 6 მატჩი ჩაატარა და 5-ჯერ დამარცხდა (5 მატჩი პრემიერ ლიგაში, 1 კარაბაოს თასზე).

CBS Sports-ის ცნობით, ვესტ ჰემი ნოტინგემ ფორესტის ყოფილ თავკაცს, პორტუგალიელ ნუნუ ეშპირიტუს მიმართავს, რომელიც უმუშევარია და შეთავაზებას დათანხმდება. ეშპირიტუს პრიორიტეტი დაცვის დალაგგება იქნება, ვესტ ჰემმა ამ სეზონში, ხუთ მატჩში, პრემიერ ლიგაში ყველაზე ბევრი - 13 გოლი გაუშვა. პოტერმა პარასკევს შუადღისას გამართულ ბოლო პრესკონფერენციაზე აღიარა, რომ ეს საკითხი უნდა გამოსწორებულიყო.

ამჟამად, ლონდონური გუნდი, პრემიერ ლიგაში, ბოლოსწინა, მე-19 ადგილზეა. 2025 წლის იანვრიდან, პოტერმა ვესტ ჰემთთან ერთად 25 ოფიციალური მატჩი ჩაატარა და მხოლოდ 6 მოიგო.