38 წლის ჯეიმი ვარდი კარიერას სერია A-ში გააგრძელებს
38 წლის ინგლისელი ცენტრფორვარდი - ჯეიმი ვარდი, კარიერას სერია A-ს ახლადაღზევებულ კლუბ კრემონეზეში გააგრძელებს.
ამის შესახებ ინფორმაციას ცნობილი იტალიელი სპორტული ჟურნალისტი - ჯანლუკა დი მარციო ავრცელებს.
🚨🏴 𝐁𝐑𝐄𝐀𝐊𝐈𝐍𝐆 | Serie A team Cremonese are in the final stages of negotiations to sign Jamie Vardy (38)! The parties are finalising the agreement to obtain the definitive go ahead, reports @DiMarzio! ✅🔜 pic.twitter.com/hZ5p5gTxyG
— EuroFoot (@eurofootcom) August 28, 2025
დი მარციოს ინფორმაციით, ტრანსფერის მოლაპარაკების ბოლო ეტაპზეა და მხარეები საბოლოო შეთანხმებას ასრულებენ, რადგან ტრანსფერმა ოფიციალური სახე მიიღოს.
ვარდი კარიერაში ბოლო გამოწვევას ეძებს მას შემდეგ, რაც მისი 12-წლიანი საოცარი ლესტერული დასრულდა. ჯეიმი ვარდიმ შეუძლებელი შეძლო და პრემიერ ლიგა და FA თასი მოიგო.
კრემონეზე, რომელმაც იტალიის უმაღლეს დივიზიონში დაბრუნება პირველ ტურში მილანთან სენსაციური 1:2 გამარჯვებით აღნიშნა, შეტევაში გამოცდილი ბომბარდირის დამატებას ცდილობს. ლომბარდიული კლუბი უკვე მზადაა ყველა შემოთავაზებაზე უარი თქვას, იმის სანაცვლოდ, რომ ჯეიმი ვარდი დაიმატონ.
ასაკის მიუხედავად, ვარდი პრემიერ ლიგაში ბოლო სეზონშიც პროდუქტიული იყო - მან ლესტერის მაისურით 36 მატჩში 10 გოლი გაიტანა და ექვსი საგოლე გადაცემა გააკეთა. თავდამსხმელი ასევე დივიზიონის საუკეთესო ბომბარდირი იყო 2019-20 წლების სეზონის ბოლოს.
სხვა სტატიები
