ლევან ყენია გერმანიის მესამე ბუნდესლიგის კლუბ "იურდინგენში" ისინჯება.
"შალკეს" ყოფილი ფეხბურთელი დიდი ალბათობით, გერმანიის ჩემპიონატში დაბრუნდება.
არაერთმა გერმანულმა გამოცემამ დაწერა, რომ 29 წლის ფეხბურთელი რანგით მესამე დივიზიონის გუნდში ოფიციალურად ჯერ არ ირიცხება და მხოლოდ სატესტო მატჩებში მონაწილეობას იღებს, კლუბის ოფიციალურ გვერდზე გავრცელებულ ვიდეოსა და ფოტოებში კი ჩანს რომ ქართველმა ნახევარმცველმა "პსვ ეინდჰოვენთან" ამხანაგურ შეხვედრაში ითამაშა.
ყენიამ წინა სეზონი "საბურთალოში" გაატარა და გუნდი კორონავირუსისპანდემიით გამოწვეული შესვენების დროს დატოვა.
