შელტონი დამარცხებულია - ბასილაშვილი წინ მიდის

რომის მასტერსის მეორე რაუნდში ბრწყინვალე თამაში აჩვენა ქართველმა ჩოგბურთელმა, ნიკოლოზ ბასილაშვილმა. რეიტინგის 117-ე ნომერმა, მასზე ბევრად წინ მყოფ ამერიკელ ბენ შელტონს (მე-6 ნომერი) 3 სეტში (6:4 | 6:7 | 6:3) მოუგო.

შეხვედრა 2 საათსა და 20 წუთს გაგრძელდა - მიუხედავად იმისა, რომ შელტონს ბევრად მეტი ეისი ჰქონდა (12 მხოლოდ 2-ის წინააღმდეგ), თამაში თავის სასარგებლოდ მაინც ქართველმა დაიტოვა. ბასილაშვილმა 4-ით ნაკლები უნებლიე შეცდომა დაუშვა. ნიკოლოზმა 196 გათამაშებიდან 100 მოიგო.

ქართველი ჩოგბურთელი 1/16 ფინალში ისევ ამერიკის წარმომადგენელს, ბრენდონ ნაკაშიმას დაუპირისპირდება - ნაკაშიმა საერთო რეიტინგში 32-ე ადგილს იკავებს.