სერენა უილიამსი უიმბლდონზე ითამაშებს

ლეგენდარული სერენა უილიამსი ჩოგბურთს 1-წლიანი პაუზის შემდეგ უბრუნდება. ამერიკელი ჩოგბურთელი უიმბლდონზე ითამაშებს. უილიამსმა ტურნირისგან Wild Card-ი მიიღო. 40 წლის მოთამაშე დაცული რეიტინგით დაუშვეს. შეგახსენებთ, რომ სერენა ბოლოს კორტზე სწორედ გასული წლის უიმბლდონზე გავიდა. პირველ წრეში მან ალიაქსანდრა სასნოვიჩთან შეხვედრისას ტრავმა მიიღო და მას შემდეგ აღარ უთამაშია. აღსანიშნავია, რომ სერენა უილიამსი უიმბლდონის 7-გზის (2002, 2003, 2009, 2010, 2012, 2015, 2016) გამარჯვებულია.

🇺🇸 @serenawilliams will return to Hologic WTA Tour and she will make a comeback to Grand Slam play at Wimbledon ⬇️— wta (@WTA) June 14, 2022