ნიკოლოზ ბასილაშვილი ბუდაპეშტში მიმდინარე ATP-ის 250-იანთა თანრიგის ტურნირზე იწყებს ასპარეზობას.
ქართველი ჩოგბურთელი თავის პირველს შეხვედრას ხვალ, გერმანელ, პიტერ გოიოვჩიკთან (85) გამართავს, რომელმაც დღეს პირველ ეტაპზე ჯორჯ ჰარისი 2 სეტში - 7:5; 6:4 დაამარცხა.
ნიკოზ ბასილაშვილმა უნგრეთის ტურნირზე წინა წელსაც ითამაშა. შარშან ქართველმა ჩოგბურთელმა 1/4-ფინალში გააღწია, სადაც ანდრეა სეპისთან წააგო - 4:6; 5:7.
სასიხარულოა ის ფაქტი, რომ ATP ბუდაპეშტის 2018 წლის გათამაშების დროს ნიკოლოზი მსოფლიო რეიტინგში 79-ე პოზიციაზე იყო, ახლა კი ბასილაშვილი მე-18 ადგილს იკავებს.
ინფორმაციისთვის გეტყვით, რომ ტურნირზე, რომლის საპრიზო ფონდი 500 000 ევროზე მეტია, ნიკოლოზ ბასილაშვილი მე-4 ნომრადაა განთესილი.
