ნადალი: "არავის უთხრათ... მე აქ ვარ" | ესპანელი ჩოგბურთელი ავსტრალიაშია
4 წლის წინ
ჩოგბურთი
1 წთ
2022 წლის პირველი საჩოგბურთო ტურნირი – ATP Cup, ავსტრალიაში, კერძოდ სიდნეიში გაიმართება. ტურნირზე მონაწილეობას 24 ქვეყანა და მათი საუკეთესო ჩოგბურთელები მიიღებენ მონაწილეობას. სასიხარულოა, რომ ნიკოლოზ ბასილაშვილის მსოფლიო რეიტინგში განთესვიდან გამომდინარე, საქართველო ATP Cup-ზე მე-16 ნომრად იქნება წარმოდგენილი. უკვე მეორე წელია, რაც ტურნირზე ესპანეთის ნაკრებს ყველა დროის ერთ-ერთი საუკეთესო ჩოგბურთელი, რაფაელ ნადალი ვერ ეხმარება. ნადალმა აღნიშნულის შესახებ თავად დააანონსა, რომ ტურნირს გამოაკლდებოდა, თუმცა ყველასათვის მოულოდნელად ის ავსტრალიაში გაემგზავრა.
View this post on Instagram
"არავის უთხრათ... მე აქ ვარ", - ვკითხულობთ ნადალის მიერ გამოქვეყნებულ პოსტზე, სადაც დართულ ფოტოზე ჩანს, რომ ესპანელი მატადორი მელბურნის კორტზე იმყოფება. თუ რა არის ნადალის ავსტრალიაში გამგზავრების მიზეზი და იასპარეზებს თუ არა ATP Cup-ზე, სადაც თავის მხრივ ესპანეთმა სხვა ჩოგბურთელები წარადგინა, ამ ეტაპისათვის უცნობია, მაგრამ დანამდვილებით იმის თქმა შეგვიძლია, რომ ტურნირის წესები ასეთ ცვლილებას არ ითვალისწინებს - ესპანეთის გუნდი შეჯიბრზე რაფაელ ნადალის გარეშე “დარეგისტრირდა”. შესაბამისად, შეგვიძლია ვივარაუდოთ, რომ რაფა ავსტრალიის ღია პირველობისთვის ნაადრევად ემზადება, ფოტოც სწორედ მელბურნიდანაა.
