საჩოგბურთო სამყაროში 2021 წლის ბოლოს წინა მასტერსის ტიპის (1000-ქულიანი) ტურნირი, ინდიან უელსი, იმართება.
ტურნირზე მონაწილეობას იღებს საქართველოს პირველი ნომერი, ნიკოლოზ ბასილაშვილიც.
ნიკა ტურნირზე 29-ე ნომრადაა განთესილი, რის გამოც ასპარეზობა მეორე ეტაპიდან დაიწყო, სადაც მისი მეტოქე ამერიკელი ჩოგბურთელი, კრისტოპერ იუბანკსი გახლდათ.
იუბანკსის ბარიერი ბასილაშვილმა წარმატებით და რაც მთავარია, დამაჯერებლად დაძლია.
რაც შეეხება რამოს-ვინოლასთან შეხვედრას, წაგებული პირველი სეტის შემდეგ ქართველმა ჩოგბურთელმა მეორე სეტი დრამატული ბრძოლის შედეგად მოიგო და წონასწორობა აღადგინა, მესამე სეტში კი უპირატესობა თავიდანვე მოიპოვა და საბოლოოდ შეხვედრა საკუთარი გამარჯვებით, ანგარიშით 4:6; 7:6(2); 6:2 მოიგო.
1/8-ფინალურ ეტაპზე ბასილაშვილის მეტოქე მსოფლიო რეიტინგის 29-ე ნომერი, რუსი ჩოგბურთელი, კარენ ხაჩანოვი იქნება.