ორშაბათს ATP-ის ყოველკვირეული ოფიციალური რეიტინგი გამოქვეყნდა.
ნიკოლოზ ბასილაშვილმა, რომელმაც გასულ კვირას, დოჰას ტურნირი ტრიუმფით დაასრულა, რამდენიმე პოზიციით დაწინაურდა.
ქართველი ჩოგბურთელი ტურნირის დაწყებამდე 42-ე ადგილზე იყო, რის შემდეგაც მან ჯერ მილმანი და ჯაზირი დაამარცხა, შემდეგ კი ფედერერი და ფრიცი. ფინალურ შეხვედრაში ნიკოლოზმა რობერტო ბაუტისტა-აგუტსაც აჯობა და კარიერაში მე-4 ტიტული მოიპოვა.
ბასილაშვილი ამ წარმატებით რეიტინგში 6 პოზიციით დაწინაურდა და ახლა 36-ეა. აქვე გეტყვით, რომ 29 წლის ქართველი ხვალიდან დუბაის ტურნირზე იასპარეზებს. მეორე წრეში მისი მეტოქე ტეილორ ფრიცი იქნება.
