45 წლის დიეგო ფორლანს, ჩოგბურთში, ATP-ის ტურნირზე დებიუტი ექნება

"მანჩესტერ იუნაიტედის", მადრიდის "ატლეტიკოს", მილანის "ინტერის" და "ვილიარეალის" ყოფილმა ურუგვაელმა ფეხბურთელმა, 45 წლის დიეგო ფორლანმა კარიერის გაგრძელება ჩოგბურთში გადაწყვიტა. ინფორმაცია დადასტურებულია და ის პირველ პროფესიონალურ მატჩს ATP Challenger-ზე ჩაატარებს.

ყოფილი ფეხბურთელის პროფესიონალური კარიერა, ურუგვაიში, Montevideo Open-ზე შედგება და ის წყვილთა თანრიგში, მსოფლიო რეიტინგის 101-ე ნომერ, ფედერიკო კორიასთან ერთად იასპარეზებს.

ურუგვაის ღია პირველობა თიხის საფარზე ჩატარდება, ტურნირი მომდევნო თვის შუა რიცხვებში აიღებს სტარტს - 11-17 ნოემბერი.