Belive

"მეტი ივარჯიშე, მაგრამ ისევ აგიღებ" - ლაზარე კუპატაძე სუპერ თასის დრამატულ ფინიშს გამოეხმაურა

2 წლის წინ სხვა
1 წთ
საქართველოს სუპერ თასის რიგით 21-ე გათამაშება ქუთაისში, რამაზ შენგელიას სახელობის სტადიონზე გაიმართა და მასში ერთმანეთს ქვეყნის ჩემპიონი “დინამო ბათუმი” და “საბურთალო” დაუპირისპირდნენ. მატჩის მთავარი გმირები ორივე გუნდის მეკარე, ლაზარე კუპატაძე და ოთო გოშაძე იყვნენ, რომლებმაც პენალტების სერიაში თავი შესანიშნავად წარმოაჩინეს, ბოლოს კი ერთმანეთსაც დაუპირისპირდნენ, სადაც ბათუმელთა გოლკიპერი უკეთესი აღმოჩნდა და საბოლოოდ, ტიტულსაც აჭარული კლუბი დაეუფლა. ყველაზე საინტერესო კი ისაა, რომ მეკარეები ბავშვობის მეგობრები არიან და "საბურთალოს" აკადემიაში საფეხბურთო კარიერას ერთად იწყებდნენ. ამ ფაქტს ლაზარე კუპატაძეც გამოეხმაურა.
"12 წლის ვიყავი, საბურთალოს აკადემიაში რომ გავიცანი, იმის შემდეგ ძალიან კარგი მეგობრები ვართ. გუშინ ძალიან კარგი მატჩი ჰქონდა, თუმცა ფეხბურთში ასე ხდება ხოლმე, ხან წააგებ და ხანაც მოიგებ. გადაწყვიტა პენალტი დაერტყა, მე კი ვიცოდი წინასწარ, როგორც დასრულებოდა მისი ეს მცდელობა გოშა, მეტი ივარჯიშე და თუ მიხვდები, რომ მოუმატე, თავიდან დამირტყი. ოღონდ, ისევ ავიღებ", - წერს კუპატაძე სოციალურ ქსელში.
ფოტოს ავტორი: გიორგი არჯევანიძე

სხვა სტატიები