"გოგამ დაკისრებულ მოვალეობას თავი ბრწყინვალედ გაართვა, მას შესანიშნავი მატჩი ჰქონდა", - ინდიანას მწვრთნელი

2 წლის წინ სხვა

1 წთ

ნაციონალურ საკალათბურთო ასოციაციაში რეგულარული სეზონისთვის განკუთვნილი მატჩების ნახევარი უკვე ჩატარდა და რამდენიმე ლიდერი გუნდიც გამოიკვეთა. 2021/22 წლების სეზონში NBA-ში ორი ქართველი წარმომადგენელი გვყავს – გოგა ბითაძე (ინდიანა) და სანდრო მამუკელაშვილი (მილუოკი). გოგა ბითაძის “ინდიანა” რეგულარული სეზონის მორიგ მატჩში, სტუმრად, “გოლდენ სტეიტს” დაუპირისპირდა, სადაც დრამატულ ბრძოლაში, ოვერტაიმში გაიმარჯვეს. შეხვედრის საბოლოო ანგარიში ასეთია – 117:121, “ინდიანას” სასარგებლოდ. ქართველი ცენტრი, გოგა ბითაძე, პარკეტზე 31:21 წუთის განმავლობაში იმყოფებოდა, რა დროშიც საკუთარ აქტივში 13 ქულა, 9 მოხსნა, 5 შედეგიანი გადაცემა და 1 ბლოკშოტი (გოგამ სტეფ კარის დააფარა | VIDEO), ჩაიწერა. შეხვედრის ბოლო მეოთხედში, გოგა ბითაძე გარი პეიტონთან უსიამოვნო ინციდენტის გამო პარკეტიდან გააძევეს.

მატჩის დასრულების შემდეგ "ინდიანას" მწვრთნელმა რიკ კარლაილმა ასეთი კომენტარი გააკეთა: "გოგამ დაკისრებულ მოვალეობას თავი ბრწყინვალედ გაართვა და შემიძლია ვთქვა, რომ შესანიშნავი მატჩი ჰქონდა" "რაც შეეხება ინციდენტს, ბითაძის ქმედება ასახავს თუ როგორი განწყობით გავედით თამაშზე", - აცხადებს კარლაილი. “ინდიანა პეისერსი” აღმოსავლეთ კონფერენციაში 17 მოგებითა და 29 მარცხით, მე-13 პოზიციას იკავებს.

ზაზა კონცელიძე

სხვა სტატიები

გუნდური პირველობა - ლიპარტელიანმა უზბეკი მეტოქე დაამარცხა | VIDEO