30 ივლისს, ტოკიოს ოლიმპიადაზე, ძიუდოს ბოლო საშეჯიბრო დღე ჩატარდა, სადაც გურამ თუშიშვილმა ვერცხლის მედალი მოიპოვა. გურამი ფინალში ჩეხ ოლიმპიურ ჩემპიონთან – ლუკაშ კრპალეკთან დამარცხდა.

საქართველოს ძიუდოისტთა ნაკრებმა ტოკიოს ოლიმპიადაზე ასპარეზობა 4 მედლით დაასრულა: 1 ოქროსა და 3 ვერცხლის მედალი, რაც ქართული ძიუდოს ისტორიაში საუკეთესო შედეგია.

ოქროს მედალი მოიპოვა – ლაშა ბექაურმა. ვერცხლის მედლები კი: ვაჟა მარგველაშვილმა, ლაშა შავდათუაშვილმა და გურამ თუშიშვილმა.

საქართველოს ნაკრები, ვაჟთა გუნდურ ჩათვლაში მეორე ადგილზე გავიდა. აღსანიშნავია, რომ 7 წონითი კატეგორიიდან ექვსში ქართველმა ძიუდოისტებმა ნახევარფინალში იჭიდავეს. ხოლო ერთი ძიუდოისტი მეშვიდე ადგილზე გავიდა.

ასევე, ისტორიაში პირველად, ოლიმპიურ თამაშებზე მეხუთე ადგილზე გავიდა ქართველი ქალი ძიუდოისტი (ეთერ ლიპარტელიანი).

აღსანიშნავია ის ფაქტიც, რომ საქართველოს ნაკრების მთავარი მწვრთნელის პოსტზე – ლაშა გუჯეჯიანის დანიშვნის შემდეგ, საქართველოს ნაკრებმა თითქმის ყველა შეჯიბრზე ისტორიული შედეგი დააფიქსირა.

ტოკიოს ოლიმპიადა – ძიუდო | გუნდური მეორე ადგილი, საქართველომ ისტორიული შედეგი დააფიქსირა (შეჯამება)