თბილისის გრანდ სლემი - დღე I: ტატამზე 14 ქართველს ვიხილავთ | პრევიუ
1 წლის წინ
ქართული სპორტი
5 წთ
-60 კგ
-60 კგ წონით კატეგორიაში, საქართველოს დროშის ქვეშ 4 სპორტსმენი იჭიდავებს. ლუხუმ ჩხვიმიანი A ბადეში განთესილი იქნება და ასპარეზობაში მეორე ეტაპიდან ჩაერთვება, სადაც საუდის არაბეთის წარმომადგენელ - მუჰამედ ფალატაჰსა და ავსტრიის წარმომადგენელ - ვაჩე ადამიანს შორის გამარჯვებულს შეხვდება. B ბადეში იასპარეზებს გიორგი სარდალაშვილი, რომელიც ასევე განთესილი იქნება, შესაბამისად ასპარეზობას მეორე ეტაპიდან დაიწყებს და მისი მეტოქე, ფრანგ - რიჩარდ ვერგნეს და თურქმენ - ჰაკბერდი ჯუმაიევს შორის გამარჯვებული იქნება. თემურ ნოზაძე იასპარეზებს C ბადეში. გასული წლის თბილისის გრანდ სლემის გამარჯვებული, 2022 წელს განთესილი იქნება და მეორე ეტაპიდან იასპარეზებს. თემურ ნოზაძე იტალიელ - მარიო პეტროსინოსა და საუდის არაბეთის წარმომადგენელ - მუთაზ ჰვავიაკს შორის გამარჯვებულს შეხვდება. 1/4 ფინალში კი მისი მეტოქე იაპონელი - გენკი კოგა იქნება. D ბადეში იჭიდავებს ირაკლი კუპატაძე, თუმცა იგი განთესილი არ იქნება, შესაბამისად ასპარეზობაში პირველივე ეტაპიდან იჭიდავებს, სადაც მისი მეტოქე ავსტრიელი - დანიელ ლეუტბეგი იქნება.-66 კგ
-60 კგ წონითი კატეგორიის მსგავსად, -66 კგ წონით კატეგორიაშიც, საქართველოს ნაკრების სახელით 4 სპორტსმენი იჭიდავებს. A ბადეში მიიღებს მონაწილეობას საბა კაპანაძე, რომელსაც საკმაოდ რთული ბადე აქვს. იგი პირველივე ეტაპიდან იასაპრეზებს და მისი მეტოქე, ყირგიზი - კუბანიჩბეკ აიბეკ უულუს შეხვდება. ყირგიზის გამარჯვების შემთხვევაში კი საბას მეტოქე, ამ წონის ლიდერი, მოლდოველი - დენის ვიერუ იქნება. B ბადეში იჭიდავებს ლაშა ნადირაძე, რომელიც პირველ წრეში საუდის არაბეთის წარმომადგენელ - აბდულაი ალჯაინაზს შეხვდება. გამარჯვების შემთხვევაში, შემდეგ ეტაპზე, ლაშა ნადირაძის მეტოქე, იაპონელი - რიომა ტანაკა იქნება. ვაჟა მარგველაშვილი C ბადეში განთესილი იქნება, შესაბამისად იგი ასპარეზობას მეორე ეტაპიდან დაიწყებს, სადაც მისი მეტოქე, არაბეთის გაერთიანებული საამიროების წარმომადგენელ - გურამ ძავაშვილსა და ყაზახ - დასტან შაიახმეტოვს შორის გამარჯვებულს შეხვდება. საკმაოდ რთული ბადე აქვს გიორგი თუთაშვილს, რომელიც D ბადეში განუთესავი იქნება. თუთაშვილის მეტოქე პირველ ეტაპზე, რუმინელი - ლუჩიან ბორს დუმიტრესკუ იქნება. შემდეგ ეტაპზე გასვლის შემთხვევაში, თუთაშვილი ესპანელ - ალბერტო გაიტერო მარტინსა და სამხრეთ კორეელ - იაეჰონგ ანს შორის გამარჯვებულს შეხვდება.-48 კგ
-48 კგ წონით კატეგორიაში საქართველოს ნაკრებს ერთადერთი წარმომადგენელი - ნატალია ყიფშიძე ეყოლება. ნატალია C ბადეში განთესილია და ასპარეზობას მეორე ეტაპიდან იწყებს, სადაც მას გერმანელი მეტოქე - კატარინა მენცი ეყოლება. გამარჯვების შემთხვევაში 1/4 ფინალში გავა და მეტოქედ, ესპანელი - ლაურა მარტინეს აბელენდა იქნება.-52 კგ
-52 კგ წონით კატეგორიაში, საქართველოს ნაკრების სახელით 2 სპორტსმენი იასპარეზებს. B ბადეში განუთესავი იქნება - მარი მახარაშვილი, რომელიც ასპარეზობას პირველივე ეტაპიდან, საუდის არაბეთის წარმომადგენელ - ჰესაჰ ალმელაიკს შეხვდება. გამარჯვების შემთხვევაში მახარაშვილი ამერიკელ - ანჟელიკა დელგადოს შეხვდება. C ბადეში განუთესავია - მარიამ ლაფაჩიშვილი, რომელიც ასპარეზობაში პირველივე ეტაპიდან ერთვება და მისი მეტოქე, ისრაელის წარმომადგენელი - პაზ კაფრი იქნება. თუ კი, ლაფაჩიშვილი შეძლებს გამარჯვების მოპოვებას, მისი მეტოქე 1/8 ფინალში, იტალიელი - მარტინა კასტანიოლა იქნება.-57 კგ
-57 კგ წონით კატეგორიაში 3 ქართველი სპორტსმენი იასპარეზებს. A ბადეში განთესილი იქნება ეთერ ლიპარტელიანი, რომელიც ასპარეზობაში მეორე ეტაპიდან ჩაერთვება, სადაც მისი მეტოქე ისრაელის წარმომადგენელ - მაია ლეოპოლდსა და უკრაინელ - დარია ბილოდიდს შორის გამარჯვებული იქნება. B ბადეში იჭიდავებს გვანცა მჭედლიშვილი, რომელიც ასპარეზობაში პირველივე ეტაპიდან ერთვება ასპარეზობაში და მისი მეტოქე, სამხრეთ კორეელი - მიმი ჰუჰი იქნება. -57 კგ წონით კატეგორიაში, საქართველოს ნაკრების მესამე წარმომადგენელი ნინო წიკლაური იქნება, რომელიც განუთესავი იქნება და ასპარეზობას პირველივე ეტაპიდან დაიწყებს, სადაც თურქმენ მეტოქეს - გოზელ ნოვრუზოვას შეხვდება. გამარჯვების შემთხვევაში, მისი მეტოქე, გერმანელი - პაულინ სტარკი იქნება.
სხვა სტატიები
