ოლიმპიადის საკალათბურთო ტურნირის C ჯგუფის მესამე ტურის შეხვედრაში სლოვენიის ეროვნულმა ნაკრებმა ესპანეთი 8-ქულიანი სხვაობით, ანგარიშით 95-87 დაამარცხა. მატჩში გადამწყვეტი მეოთხე მეოთხედი გამოდგა, რომელშიც ალექსანდრ სეკულიჩის გუნდმა 10 ქულით იმარჯვა.
სლოვენიის შემადგენლობაში 22 ქულით, 2 მოხსნით, 1 ასისტითა და 1 დაფარებით ვლატკო ჩანჩარი გამოირჩა. 12 ქულა, 14 მოხსნა, 9 პასი და 1 ჩაჭრა მოაგროვა ლუკა დონჩიჩმა.
ესპანეთს 18 ქულით, 9 შედეგიანი გადაცემით, 3 მოხსნითა და 1 ჩაჭრით რიკი რუბიომ ულიდერა. 14 ქულა, 4 მოხსნა, 3 ჩაჭრა და 1 ასისტი იყო ალბერტო აბალდეს ანგარიშზე.
შედეგად, C ჯგუფიდან მეოთხედფინალში სლოვენია პირველი ადგილით გავიდა, ესპანეთი - მეორეთი, არგენტინა კი - მესამეთი.
მეოთხედფინალური ეტაპის წილისყრა დღეს გაიმართება.
