"მადლობა ლეო, მოგვენატრები" - სერხიო ბუსკეტსის პირველი სიტყვები კაპიტნის რანგში (ვიდეო)

"მე ბედნიერი ვარ, რომ მსოფლიოში საუკეთესო კლუბის კაპიტნობა მხვდა წილად. ეს ტიტული აქამდე ისეთ დიდებულ ფეხბურთელებს უტარებიათ, როგორებიც კარლეს პუიოლი, ჩავი, ანდრეს ინიესტა და ლეო მესი იყვნენ. შევეცდები, მათ ნაკვალევს გავყვე. მინდა მცირე დრო, რათა ლეო მესის ღირსებაზე ვისაუბრო. მადლობა, რომ "ბარსელონა" უმაღლეს დონეზე აიყვანე, შექმენი ისტორია და დაამყარე ინდივიდუალური თუ გუნდური რეკორდები. შენ მსოფლიოში საუკეთესო ფეხბურთელი ხარ. ჩვენ ყოველთვის აქ ვიქნებით, მოგვენატრები და ყველაფერ საუკეთესოს გისურვებთ. დიდი მადლობა, ლეო!", - თქვა 33 წლის ნახევარმცველმა.