Belive

ეროვნული ლიგა: VIII ტურის სიმბოლური გუნდი 

3 წლის წინ ფეხბურთი
2 წთ
ეროვნული ლიგის მერვე ტურში საინტერესო შეხვედრები გაიმართა, წრის დასრულებამდე 1 ტურით ადრე კი, პირველობას გორის "დილა" არავის უთმობს. ეს მას შემდეგ, რაც გიორგი ნემსაძის 10-კაციანმა გუნდმა ექს-ჩემპიონ "საბურთალოსთან" სტუმრად არ წააგო და მორიგი ქულა მოიპოვა. თუმცა, გორელების უპირატესობა უახლოეს მდევართან 3-ქულიანი აღარ არის, რადგან "დინამო თბილისმა" საჩხერის "ჩიხურას" საშინაო არენაზე მოუგო - 1:0. იმარჯვა ჩემპიონობის კიდევ ერთმა პრეტენდენტმა ბათუმის "დინამომაც", რომელმაც საშინაო კედლებში "სამტრედიას" მარტივად აჯობა - 2:0.  შინ წაუგებლის სტატუსს ინარჩუნებს "თელავიც", რომელმაც "მერანს" კახეთში უგოლო ფრე ეთამაშა.  მეორე ტურის შემდეგ კვლავაც მოგების მოლოდინშია "ლოკომოტივი" - "რკინიგზელებმა" თბილისში, ქუთაისის "ტორპედოსთან" დრამატულ შეხვედრაში - 1:2 წააგეს.  ამრიგად, ლიდერთა შორის კონკურენცია უკიდურესად დაძაბულია. პირველ, მეორე, მესამე და მეოთხე ადგილზე მყოფ გუნდებს: გორის "დილას", "დინამო თბილისს", "დინამო ბათუმს" და "საბურთალოს", შესაბამისად, 16, 15, 14 და 13 ქულა აქვთ.
No description available.
მერვე ტურის შედეგები:  "თელავი" - "მერანი" 0:0 "დინამო თბილისი" - "ჩიხურა" 1:0 "ლოკომოტივი" - "ტორპედო" 1:2 "საბურთალო" - "დილა" 1:1 "დინამო ბათუმი" - "სამტრედია" 2:0 სატურნირო მდგომარეობა მერვე ტურის შემდეგ: 
მერვე ტურის დასრულების შემდეგ, იმ 11 ფეხბურთელისგან და მწვრთნელისგან შედგენილ სიმბოლურ გუნდს წარმოგიდგენთ, რომლებმაც Live.ge-ს ვერსიით, თავი საუკეთესოდ წარმოაჩინეს. მეკარე: გოგი კულუა ("სამტრედია"). მცველები: საიმონ ბენიო ("დინამო თბილისი"), ანტონ თოლორდავა ("თელავი"),  დავით ხურცილავა ("დილა"), გიორგი გაფრინდაშვილი ("მერანი"). ნახევარმცველები: ირაკლი ბუღრიძე ("დინამო თბილისი"), ამოს ნონდი ("დილა"), სანდრო ალთუნაშვილი ("საბურთალო"). თავდამსხმელები: ვაგნერ გონსალვეში ("დინამო ბათუმი"), გიორგი ფანცულაია ("ტორპედო"), ნუგზარ სპანდერაშვილი ("დილა"). მწვრთნელი: გიორგი ნემსაძე ("დილა").
ასევე იხილეთ: ეროვნული ლიგა: VII ტურის სიმბოლური გუნდი ასევე იხილეთ: ეროვნული ლიგა: VI ტურის სიმბოლური გუნდი  ასევე იხილეთ: ეროვნული ლიგა: V ტურის სიმბოლური გუნდი  ასევე იხილეთ: ეროვნული ლიგა: IV ტურის სიმბოლური გუნდი ასევე იხილეთ: ეროვნული ლიგა: III ტურის სიმბოლური გუნდი 

სხვა სტატიები