ეროვნული ლიგის მეშვიდე ტურში, სეზონის პირველი გამარჯვება მოიპოვა საჩხერის "ჩიხურამ", რომელმაც თბილისის "მერანს" - 3:0 აჯობა და ამ უკანასკნელს ერთადერთი მოუგებელი გუნდის სტატუსი გადააბარა.
მცირე მოუგებელი სერია დაასრულა "დინამო თბილისმაც", რომელმაც "სამტრედიას" სტუმრად, 4 უპასუხო გოლი გაუტანა.
სეზონში ყველაზე დიდი ანგარიშით გამარჯვება შეძლო "საბურთალომ" - თბილისურმა კლუბმა ქუთაისში, "ტორპედოს" კარი 4-ჯერ აიღო.
ელიგის დებიუტანტი "თელავი" შთამბეჭდავ თამაშს ისევ აგრძელებს: რევაზ გოცირიძის გაწვრთნილმა გუნდმა ქულა ამჯერად "ლოკომოტივს", თბილისში აართვა - 1:1.
ტურის ცენტრალური დაპირისპირება გორში გაიმართა - "თენგიზ ბუჯანაძეზე", "დილამ" ბათუმის "დინამოს" უმასპინძლა და მძიმე მატჩში ფრე - 1:1 ეთამაშა.მეშვიდე ტურის შედეგები:
"ჩიხურა" - "მერანი" 3:0
"ტორპედო" - "საბურთალო" 0:4
"სამტრედია" - "დინამო თბილისი" 0:4
"ლოკომოტივი" -"თელავი" 1:1
"დილა" -ბათუმის "დინამო" 1:1
სატურნირო მდგომარეობა 7 ტურის შემდეგ: მეშვიდე ტურის დასრულების შემდეგ, იმ 11 ფეხბურთელისგან და მწვრთნელისგან შედგენილ სიმბოლურ გუნდს წარმოგიდგენთ, რომლებმაც Live.ge-ს ვერსიით, თავი საუკეთესოდ წარმოაჩინეს.მეკარე: ლაზარე კუპატაძე ("საბურთალო").
მცველები: გიორგი გაბაძე ("ლოკომოტივი"), გაგი მარგველაშვილი ("საბურთალო"), დავით კობოური ("დინამო თბილისი"), გიორგი ლაცაბიძე ("დილა").
ნახევარმცველები: ნოდარ ქავთარაძე, ვიტორ პერნამბუკო (ორივე "დინამო თბილისი"), ირაკლი ლექვთაძე ("დილა").
თავდამსხმელები: ბექა ქავთარაძე ("საბურთალო"), თორნიკე კაპანაძე ("დინამო თბილისი"), კახა კახაბრიშვილი ("ჩიხურა").
მწვრთნელი: კახა ჩხეტიანი ("დინამო თბილისი").
ასევე იხილეთ: ეროვნული ლიგა: VI ტურის სიმბოლური გუნდი ასევე იხილეთ:ეროვნული ლიგა: V ტურის სიმბოლური გუნდი ასევე იხილეთ:ეროვნული ლიგა: IV ტურის სიმბოლური გუნდიასევე იხილეთ:ეროვნული ლიგა: III ტურის სიმბოლური გუნდი