გასულ კვირაში საჩოგბურთო პუბლიკამ მადრიდის მასტერსს მიადევნა თვალყური, რომელიც უნიჭიერესი ესპანელი ვარსკვლავის – კარლოს ალკარასის ტრიუმფით დასრულდა.
19 წლის ესპანელმა ჩოგბურთელმა 2022 წელს რიგით მეოთხე ტიტული მოიპოვა. ალკარასმა მონტე-კარლოს შემდეგ, მიჯრით მეორე მასტერსის ტიპის ტურნირი მოიგო და განახლებულ საჩოგბურთო რეიტინგში მსოფლიოს მე-6 ნომრად მოგვევლინა.
მადრიდის მასტერსის ფინალში, ალკარასის მეტოქე ალექსანდრ ზვერევი იყო, რომელმაც მატჩის შემდგომ კარლოსის მიმართ საქებარი სიტყვები არ დაიშურა | VIDEO
View this post on Instagram
“პირველ რიგში მინდა ჩემპიონს მივულოცო. ჩვენ გვყავს ახალი სუპერვარსკვლავი, რომელიც უამრავი დიდი სლემის ტურნირის გამარჯვებული გახდება”
“კარლოს, ამ წუთისთვის მსოფლიოში საუკეთესო ჩოგბურთელი ხარ”, – განაცხადა ალექსანდრ ზვერევმა.
კარლოს ალკარასმა ჩემპიონობამდე ურთულესი გზა განვლო – ბასილაშვილი, ნორი, ნადალი, ჯოკოვიჩი და ზვერევი. 19 წლის ესპანელი პირველი ჩოგბურთელია ისტორიაში, რომელმაც თიხისსაფარიან ტურნირზე, ერთდროულად ნადალისა და ჯოკოვიჩის დამარცხება შეძლო.
